Sjette løp i Vinterekarusellen er unnagjort

Sjette løp i Vinterkarusellen gjekk føre seg i klåre og kalde forhold tysdag 27. januar.

Over 50 deltakarar gjennomførte sesongens sjette løp. Det var stort sett greie forhold, men nokre issvullar møtte løparane undervegs. Det kalde vinterveret held fram, so det var minusgrader og klar luft. Det var deltakarar frå heile Kvam og nokre frå Kvinnherad. Lengst veg hadde Arthur Lillefosse som hadde teke turen frå Bergen for å delta denne kvelden. 

Det gjekk raskt unna med mange. Blant kvinnene var det Monica Rinde Oma, Torunn Lutro, Torild Kveberg og Irene Myrvold som var fyrst. Blant mennene var Sondre Svåsand raskast, føre Ove Måge og Lars Måge. Det var også nokre som sprang den korte løypa på 1,8 km. 

Deltakarane var også denne gangen frå småbarn i barnevogn til pensjonistar. Det er kjekt å kome saman til hyggjeleg mosjon sjølv med ulik alder og ambisjonsnivå. Neste løp vert tysdag 17. februar. Vel møtt då både gamle og nye deltakarar. Det er fullt mogleg for nye deltakarar å bli med.